“ДДЛ” ХХК нь 2007 онд анх Гадаад худалдаа, нерж хийц эдлэлийн үйлдвэрлэл чиглэлэр үүсгэн байгуулагдсан бөгөөд 14 жилийн хугацаанд тогтвортой үйл ажиллагаа явуулж, Монгол Улсынхаа нийгэм, эдийн засагт өөрсдийн хувь нэмрийг оруулж буй үндэсний компани юм.

Манай компани нь гагнуурын тоног төхөөрөмж, тэдгээрийн дагалдах хэрэгсэл, борлуулалтын дараах мэргэжлийн засвар үйлчилгээ болон хүнсний үйлдвэрийн нерж материалын төрөлжсөн худалдаа эрхэлдэг.

Механик хийц эдлэлийн үйлдвэрт нерж листийг хайчлах, нугалах, өрөмдөх, аргон гагнуураар төрөл бүрийн хүнсний нержин сав, металл гоёлын хийц, хүнсний үйлдвэрийн угсралт, угсралтын дараах засвар үйлчилгээг олон жилийн туршлагатай мэргэжлийн хамт олон чанарын өндөр түвшинд гүйцэтгэж байна.

Бид дэлхийн нэр хүнд бүхий үйлдвэрлэгчдийн бараа бүтээгдэхүүнүүдийг хэрэглэгчиддээ санал болгодог бөгөөд манай хэрэглэгчдийн сайн мэдэх, хэрэглэж дадсан БНХАУ-ын Шэньжэн Индустриал компанийн “RILAND” брэндийн бараа, бүтээгдэхүүний Монгол дахь ёсны эрхтэй борлуулагч компани юм.

БНХАУ-ын Шэньжэн Индустриал компани нь олон жилийн турш гагнуурын салбарт тэргүүлж байгаа бөгөөд дэлхийн 60 гаруй улс орон, бүс нутгийг хамарсан 100 гаруй албан ёсны дилертэй.

“RILAND” брэнд нь Хятадын CCС, Европын холбооны CE, Хойд Америкийн CSA болон Олон Улсын ISO9001  чанарын сертификаттай өндөр чанартай бүтээгдэхүүн юм.

Иймд “RILAND” брэндийн бүтээгдэхүүнийг цэрэг арми, сансрын орон зай, машин механизмын үйлдвэрлэл, хөлөг онгоцны үйлдвэрлэл, төмөр хийц, тэнгисийн инженерчлэл, тээврийн хэрэгслийн үйлдвэрлэл, цахилгаан станц, дамжуулах хоолой, химийн хийц, барилга байгууламж, зам гүүр барих гэх мэт олон салбарт дэлхий даяар өргөн ашигладаг.

Манай компанийн 2 салбар худалдааны төв Улаанбаатар хотод энэ салбарын өндөр чанартай бараа бүтээгдэхүүнийг хэрэглэгчдийн хэрэгцээ шаардлагад нийцсэн өргөн сонголттойгоор зах зээлд борлуулж байна.

Бараа, бүтээгдэхүүний борлуулалтын дараах мэргэжлийн засвар үйлчилгээг өөрийн засвар үйлчилгээний төвөөр дамжуулан мэргэшсэн инженер, техникийн баг гүйцэтгэж байна.

Бидэнтэй хамт хөгжлийг бүтээлцэж буй хэрэглэгч та бүхэндээ чин сэтгэлийн талархал илэрхийлж  орчин цагийн техник, технологийн ололт амжилтыг цаг хугацаа алдалгүй таны гарт атгуулахдаа таатай байна.

Та бидний хамтын ажиллагаа үргэлж цэцэглэн хөгжих болтугай.